أبـــــــــــــو لمعــــة تحــت الشجـــرة .....

عضو جديد Number of posts : 91 Registration date : 22/11/2007

زي مانتوا عارفين ابو لمعه انه دائما بيسافر بلاد كتير اوووووى ومغامرات كتير اوىىىى ويعتبر اذكى رجل فى المنطقة بتاعته واقوى واحد ..

ودي حكايه من حكاياته الغريبه والعجيبه

ابو لمعه : شوف يا خواجه ، وانا في آخر رحله ليا في الاسكيمو ، كنت لابس الجلابيه الدبلان المخططه الكحللى بتاعه اخويا شلبي ، ومقيل شوية تحت شجره جيلاتي !
بيني وبينك انا نمت وانا فاتح بوققى على أخره علشان اول ما حته جيلاتي تستوي ، تقع في بقي علي طول ،
بس لجل البخت الاسود ، تعبان شاف بقي مفتوح افتكره جحر راح داخل فيه.

الخواجه بيجو : دا اكيد تعبان صغير بقي اللي عرف يدخل في بقك ده ؟

ابو لمعه : صغير مين يا خواجه ده طوله 700 متر !

الخواجه بيجو : يا سلاااااااام ، دخل التعبان اللي طوله 700 متر في بقك وانت نايم من غير ما تحس ولا تصحي ؟

ابو لمعه : لأ ما انا صحيت في نصه كده ، لقيت ده داخل في بطني قعدت اشد فيه وهو يتزفلط اشد فيه وهو يتزفلط ، لحد ما دخل كله جوه بطني !

الخواجه بيجو : يا خبر ابيض ، وعرفت تطلعه ؟

ابو لمعه : ابدا وحياتك ، عملت البدع علشان اطلعه ما فيش فايده آخر ما غلبت رحت قالع ونازل له !

الخواجه بيجو : نازل له فين ؟

ابو لمعه : في بطني ! وهو شافني نازل راح واخد ديله في سنانه وطالع يجري وانا وراه ،
يدخل يمين ادخل وراه ، يدخل شمال ادخل وراه ، لحد ما وصل بيت الكلاوي ، راح داخل البيت وقفل الباب علي نفسه !

الخواجه بيجو : طبعا ما عرفتش تدخل وراه ورحت مروح

ابو لمعه : لأ ، اروح ازاي ، انت عارف تحت بيت الكلاوي فاتح واحد حلاق ،
قلت اخش اخد دقني واستني التعبان لما يخرج ، نص ساعه كده ولقيته مطلع راسه من الباب ، بص يمين بص شمال ما شافنيش راح متسحب خارج ،
رحت خاطف الموس من ايد الحلاق وهاجم علي التعبان ، شوف يا خواجه ، هي ضربه واحده بالموس قسمته نصين !

الخواجه بيجو : بضربه واحده قسمت التعبان ال 700 متر ؟

ابو لمعه : بالطول وحياتك .......
بس
وبعد ممات رحت طالع من بطنى لحد ما الجيلاتى استوى
وقعدت اكل لحد مخلصت على الشجرة راح جه الراجل صاحب الشجرة طلب منى حق الجيلاتى اللى أكلته مقولكش على اللى حصل
الخواجة بيجو: ايه اللى حصل يعنى
ابو لمعة : كلمة منى على كلمة منه رحت خالع الشجرة بالموس اللى موت بيه التعبان وعورت الراجل بالشجرة فى وشه
الخواجة بيجو: وهو سابك
ابو لمعة : اسكت ده طلع صايع وراح نده خمسة وخمسين راجل طلعو ولاد عمه وقال ايه عايزين ياخدو حقه منى

الخواجة بيجو: ها وانت عملت ايه

ابو لمعة : بينى وبينك فى الاول خوفت لانهم طول بعرض زى الديناصورات لكن ثبت نفسى وقلت لنفسى يواد ياابو لمعة مين دول اللى تخاف منهم دانا لسة مموت تعبان 700 متر

مش هيجو هفوة يعنى المهم وانت عارفنى طبعا انى متدرب احسن تدريب.....وبجيد استخدام جميع انواع الاسلحه
و بجيد جميع فنون القتال
من اول "اضرب و اجري....الي حتي بعد ما أجري
الخواجة بيجو : ياعم قصر عملو فيك ايه
ابو لمعة : بيضحك ضحكة استهزاء عملو فيه انا ايه قول انا عملت فيهم ايه
الخواجة بيجو : عملت ايه ياخويا يعنى
ابو لمعة: اقولك ياسيدى

الخمسة وخمسين راجل دول يقفون علي مرمي البصر
و في اعينهم ملامح الشر
ولقيتهم واقفين زى مهوما قلت اروحلهم انا هو انا اخاف
وقعدت اقترب اقترب اقترب
و ...........................................

( طاخ )..................
_ ورد احد الرجالة: طلع الفلوس الي معاك ياض
.....الخواجة : ياه وعملت ايه دول هزأوك خالص
ابو لمعة : وحياتك لقيت نفسى بتحول وبقيت واحد تانى وقولتله ايه ياض دى متخليك مؤدب ياكابتن
.
احد الرجالة : قصر ياض دلوقتى عورت ابن عمنا ليه
ابو لمعة : هوانهى واحد يافندم من الجيش اللى معاك ده
احد الرجالة : صاحب شجرة الجيلاتى ياض الاقرع ده
ابو لمعة : يافندم عشان عكــنـن عليا وقال ايه عايز يطلب تمن الجيلاتى ولو دوقت اساسا يافندم طعم الجيلاتى هقرف انك تبقى ابن عمه تانى او تتخانق معاه بعد كده ..

الخواجة بيجو : وبعدين ايه اللى حصل
ابو لمعة : وهو بيتشاور مع ابن عمه على تمن وطعم الجيلاتى رحت دخلت بطنى واخد التعبان اللى لسة قاتله من شوية وجبت بكرة سولتيب وقعدت الزق في التعبان وألزق وألزق لحد مرجع طبيعى زى مكان
. هما شافو التعبان من هنا جالهم ذهول رحت ماسك التعبان من رجليه
الخواجة بيجو : هو التعبان لية رجلين ياابو لمعة
ابو لمعة : ايوة ياسيدى التعبان كان كده اعمل انا ايه يعنى دى اسئلة غريبة اوى
ولفيت التعبان على خمسة منهم وقعدت اخنق فيهم لحد مماتوا من الخوف
وفضل بقى الخمسين الراجل دول ولقيت نفسى بطير فى السما زى سبايدر مان

الخواجة بيجو: ايه سبايدر مان ده
ابو لمعة : ياعم انت جاهل كده ليه ده واد كان عندنا فى الحتة واد جامد وشقى كده وكان شغال نشال ساعتها وكان مبهدل الحتة وكل الناس كان بتخاف منه وهو اللى كان معلمنى حركات كده لكن بقى دلوقتى بقى شغال فى لووهيولود وبقى حاجة عظمة يعنى وكل الدول عرفته دلوقتى .
المهم
وقعدت اضرب فيهم برجلى وبايدى و بالتعبان فى وشهم وفى كل حتة فى جسمهم زى ماماسك كورباج بالظبط وهما يقولولى كفاية يابو لمعة خلاص وانا ابدا متعصب بقى وانا كل ماأمسك واحد مسيبوش غير مايموت لحد مجمعت الضربة القاضية بتاعتى وضربتهم ضربة واحدة وخلصت منهم
الخواجة بيجو: وبعد مماتو حصل ايه

ابو لمعة : بينى وبينك بعد الخناقة كان جسمى مكسر قلت انام شوية تحت اى شجرة كده المهم وانا نايم نسيت ان التعبان اللى لزقته لسة صاحى عقبال لما افتكرت كان التعبان دخل فى بوققى تانى وعلى بطنى عدل وانا نايم
الخواجة بيجو : وعملت ايه
ابو لمعة : ابدا زى معملت المرة اللى فاتت رحت ناطط جوة بطنى وهو يجرى منى وانا جرى وراه لحد مدخل اوضة الطحال
الخواجة بيجو: طبعا دخلت وراه
ابو لمعة : لاء طبعا معرفتش ادخل لكن كان تحت الاوضة فى حلاق برضة بس كان قافل
ومن ساعتها وانا جوة بطنى مستنى الحلاق يفتح
ياإما التعبانيتخنق و يطلع من اوضة الطحال
ياإما اللزق اللى لزقته يتفك ونخلص منه ونرتاح بقى

عضو جديد Number of posts : 66 Registration date : 18/01/2008

ههههههههههههه حلوة

لا جامدة بس اتمنى انك تحكيلنا قصة ابو لمعة وديناصور اذربيجان لانها حلوة وعاوز افتكرها لو سمحت احكيهالى لانك اكيد عارف كل قصص ابو لمعة

هههههههههههههههههههههههه
تصدق اسمه حلو كمان ههههههههههههههههههههههه